-
Առևտրային վարկերը տրամադրվում են իրավաբանական անձանց և անհատ ձեռներեցներին:
-
Նորաստեղծ բիզնեսի վարկավորման դեպքում հաճախորդի ներդրումը պետք է լինի ոչ պակաս, քան տրամադրվող վարկի գումարը:
-
Դրամական միջոցները կարող են տրամադրվել վարկերի և վարկային գծերի տեսքով:
-
Վարկերը տրամադրվում են մինչև 72 ամիս մարման առավելագույն ժամկետով:
-
Վարկի առավելագույն գումարի սահմանափակում չկա:
-
Վարկերը կարող են տրամադրվել ՀՀ դրամով կամ արտարժույթով, կանխիկ կամ անկանխիկ եղանակով:
-
Վարկերը տրամադրվում են հիմնական և շրջանառու միջոցներ ձեռք բերելու, այլ ծրագրեր իրագործելու նպատակով:
-
Վարկի մարումը իրականացվում է հաճախորդի հետ համաձայնեցված գրաֆիկով, որը սահմանվում է հաշվի առնելով տվյալ բիզնեսի առանձնահատկությունները, սեզոնայնությունը և այլ հանգամանքները: Վարկի մարման գրաֆիկով կարող է սահմանվել վարկի մայր գումարի մարման դադարի շրջան (grace period):
-
Վարկի օգտագործման համար տոկոսագումարները հաշվարկվում են վարկային պայմանագրով սահմանված վարկի անվանական տարեկան տոկոսադրույքով: Վարկի անվանական տարեկան տոկոսադրույքը կարող է փոփոխվել (վարկային պայմանագրով նախատեսված լինելու դեպքում) վարկի գործողության ընթացքում : Վարկի օգտագործման համար տոկոսագումարները հաշվարկվում են վարկի փաստացի մնացորդի վրա և վճարվում են ամսական կտրվածքով :
-
Վարկերը տրամադրվում են գրավային ապահովության առկայությամբ: Գրավի առարկա կարող է հանդիսանալ կազմակերպության համար ընդունելի ցանկացած գույք, այդ թվում շենքեր-շինություններ, հողամասեր, ավտոմեքենաներ, սարքավորումներ, հաստոցներ, ապրանքներ:
-
Տրամադրվող վարկի գումարը չի կարող գերազանցել գրավ առաջարկվող գույքի գրավադրման արժեքի 80%-ը: Գրավի գրավադրման արժեքը որոշվում է կողմերի համաձայնությամբ` անկախ լիցենզավորված գնահատողի կողմից տրամադրված գույքի գնահատման հաշվետվության հիման վրա: Գրավի գնահատման և գրավադրման հետ կապված ծախսերը կատարվում են վարկառուի (գրավատուի) կողմից:
-
Ընկերությունը կարող է պահանջել նաև ապահովագրել գրավի առարկագույքը , որի հետ կապված ծախսերը իրականացվում ենվարկառուի (գրավատուի) կողմից:
-
Վարկի տրամադրման (մերժման) որոշումը կայացվում է վարկավորման և գրավադրման համար անհրաժեշտ փաստաթղթերը ներկայացնելու պահից 5 (հինգ) աշխատանքային օրվա ընթացքում:
-
Վարկի տրամադրման մասին դրական որոշում կայացնելուց հետո կնքվում են
վարկային , գրավի պայմանագրերը , որոնց ուժի մեջ մտնելուց հետո վարկը տրամադրվում է հաճախորդին:
-
Վարկի մարումները կարող են իրականացվել կանխիկ ձևով` Ընկերության դրամարկղում կամ անկանխիկ եղանակով` Ընկերության հաշվարկային հաշիվներին փոխանցելու միջոցով:
-
Վարկային պայմանագրով սահմանված պարտավորությունների (այդ թվում ` սահմանված ժամկետներում վարկի գումարը և տոկոսագումարը չմարելու ) չկատարելու դեպքում հաճախորդի նկատմամբ կիրառվում են տուժային սանկցիաներ , իսկ գրավի առարկան կարող է ՀՀ օրենսդրությամբ և կնքված պայմանագրերով սահմանված կարգով բռնագանձվել և իրացվել : Գրավի առարկայի իրացումից ստացված գումարը վարկառուի պարտքը չծածկելու դեպքում պարտքի մնացած գումարը կարող է մարվել վարկառուի այլ գույքի բռնագանձման և իրացման հաշվին:
-
Վարկառուի կողմից իր վարկային պարտավորությունները ժամանակին չկատարելու դեպքում այդ տեղեկատվությունը կգրանցվի ՀՀ ԿԲ Վարկային ռեգիստրումև ԱՔՌԱ Վարկային բյուրոյում , որը բացասաբար կազդի վարկառուի վարկային պատմության վրա: